SEBA KURSÊ GRAMERÊ KURMANCÎYE ÎLAN
Ma sey Weqfa Mezopotamyaye wazenê kursêke gramerê kurmancîye ser o ca bîyare. No kurs do gorê gramerê modernî û sewîyêka berz de bo û giranîye serê babetanê morfolojî, morfo-sentaks û sentaksê kurmancîye de bo. Amancê ma çarçewayê gramerê modernî de perwerdeyî bidê û hetkarîye cigêrayoxan bikerê.
No Kurso ke nameyê ey vêreno do heşt hewtê (27.10.2020 – 18.12.2020) dewam bikero û derse do serê zoomîya bêro dayene. Kontenjanê kursî bi pancas kesî ra sînordar o. Heke muracat pancas kesî ra vêşî bibo, beno ke kontenjan bêro newekerdene. Erjnayîşê muracatan de şerto sereke no yo ke muracatker/e kurdî baş bizano, nê warî de xebîtîyaye bibo û xebatanê gramerî ra aleqadar bibo/a. Şertêko bîn o muhîm no ye ke ganî muracatker tewr tay beşekê lîsansî biwano yan zî qedinaye bibo.
Muracat
1. Muracatî do heta 25ê teşrîna verêne bêrê qebulkerdene.
2. Seba muracatî gere formê muracatî bêro dekerdene û bi rayîr rê e-maîla [email protected] bêro şawitene.
3. 26ê teşrîna verêne do lîsteya kesê ke ameyê qebulkerdene do bêro îlankerdene.
Not:
Beno ke roj û saetê kursî goreyê rewş û waştişê tewrebîyayoxan bêro vurnayene.
Kurs bêpere yo.
Formê Muracatî:
https://www.wmezopotamyaye.org/forma_serledane.docx
Programê Kursê Gramerê Kurmancîye:
https://www.wmezopotamyaye.org/Drafta_Kursa_Rezimana_Kurmanci.docx
Bîblîyografya: